يقتل صاحبه فى كفر الزيات عشان ماتش الاهلى والزمالك

احمد عوده الشاب القتيل

مقتل الشاب احمد عوده أمس

         اتنين اصحاب بيتفرجوا على ماتش على كافيه فى مدينة كفر الزيات وهى مدينة تابعة لمحافظة الغربية اللى بيغلب عليها الطابع الدينى والمتحفظ - أو هكذا كنا نظن - والحكاية ببساطه انهم اختلفوا فى تشجيع الفريقين وكل واحد بيتكلم باسم الفريق اللى بيشجعه على انه من باقى اهله وانه بينتمى له اكتر من انتماؤه لابوه وعيلته ، عليت الاصوات وزادت حدة الكلام وبدأ التجريح والسب والشتيمة وفجأه طلع واحد  فيهم مطواه ودفنها فى صدر صاحبه ومات احمد عوده .

         للدرجة دى معدتش فى حاجه تشغل الشباب عن قضية حقيقيه وعمل حقيقى واخلاق وقيم محترمه توقف الخلاف بينهم عند حد ، وللدرجة دى الصداقه بين الشباب دلوقتى سهل تتباع ويتحول صديقى بالامس الى قاتلى اليوم واللى بايده ينهى حياتى .

        الموضوع لو كنت سمعت عنه فى السبعينات والتمانينات ايام ما كانت النزعه المتشدده والانتماء لفرق الكوره المحلية واخد وضعه كنت اعتبرته مش غريب على الزمن دا لكن دلوقتى يحصل دا ولسه فى دا .

       شبابنا فى خطر واللى حصل يحصل عادى فى اى مكان وكل حد له لزمه او ملوش مقيم نفسه انه عشانه تقوم مجازر وانه سليل الاكرمين ويتخانق عشانه الف راجل وتسيل انهار دم . دى ثقافة الخلاف دلوقتى .

حسبى الله ونعم الوكيل ،